入冬啦～ 你準備咗暖燈未呢？
好多鸚鵡都係屬於熱帶鳥類，所以比較怕凍。而部份禦寒能力比較強嘅鸚鵡，因為在香港長期居住室內，夏天開冷氣，冬天又開暖爐，羽絨羽毛的生長已同佢地係大自然嘅時候變得唔同，禦寒能力亦可能降低。所以即使香港冬天不太冷，暖燈都係必備的。
用暖燈到底點用？以下為大家Q&A一下～
Q：應該選擇多少瓦數（watt）？
A：選擇多少瓦，係應該按照你嘅地區、樓層、坐向、籠大小等等嚟決定。比如住新界、海邊或極高樓層等，溫度一般比市區中心會凍好幾度，選擇瓦數就應該高一點。如果住正市區中心、坐向正南等，則可以選擇低一點瓦數。
| 25W | 40W | 50W | 75W | 100W |
原室溫 | 10°C | 10°C | 10°C | 10°C | 10°C |
使用後** | 13°C | 16°C | 18°C | 20°C | 25°C |
提升溫度 | 約3度 | 約6度 | 約8度 | 約10度 | 約15度 |
** 以上純參考，實際數據會因不同環境、適度等有異。
Q：幾多度開暖燈？
A：每種類以致同種類的每隻雀禦寒能力不一（人都係啦），一般而言，20度或以上成年雀都可以舒適生活。20度以下可以開始考慮使用不同瓦數的暖燈來提升溫度。如果係雛鳥初過冬，用暖燈控制穩定室溫比較安全。⚠️ 必須留意一天的溫差變化（比如中午太熱），隨時觀察實際溫度及雀鳥情況而調整。每個地區、樓層、坐向、籠大小都對環境溫度有影響。
Q：暖燈應該放籠內定籠外？
A：暖燈嘅設計用於籠內籠外都適合，但實際操作請考量本身籠嘅大細、蓋籠布後會否太熱等來衡量。比如籠本身很大，就適合使用於籠內，再蓋籠布也可以（不要碰到暖燈）。籠細的話，掛籠外，籠布最多只能蓋3邊暖燈個邊不要蓋。不過必須注意，使用暖燈時，請不要用籠布完全覆蓋雀籠，必須留有透氣位，籠內必須有冷熱區等雀仔走位。為建立最好空氣循環，建議懸掛籠中間位置，或旁邊偏低位置。 ⚠️ 必須隨時觀察實際溫度及雀鳥情況而調整。
Q：放籠內？？燙親雀鳥點算？
A：的確係有發生過燙親雀嘅意外，但係意外發生嘅原因可能會令你好surprise，因為燙親係因為暖燈唔夠熱，而唔係太熱！比如當環境太凍，而使用了一個唔夠熱嘅暖燈時，雀鳥為求取暖而身體貼在暖燈上，導致羽毛燙傷。正常來說，作為飛行專家，雀鳥對氣流變化嘅觸感遠比雀奴強大。佢地絕對清楚暖燈係發熱嘅，會自動於冷熱區選擇自己最舒適嘅位置。所以，個人不太建議使用低瓦數暖燈。選擇中度至高度的暖燈（有一定熱度使雀鳥不會接觸），然後透過放嘅位置同距離、蓋/不蓋/如何蓋籠布來調整籠內溫度最好。
Q：暖燈可以長開嗎？
A：可以，但建議每日都係俾暖燈休息一下啦（可以選擇中午等最熱時間熄一個鐘等）。
Q：暖燈係咪淨係冬天用？
A：其實一年四季都會用到㗎～ 比如夏天時，雀鳥身上會無晒保暖嘅羽絨，所以夏天佢地禦寒能力係最弱嘅時候。如果屋企會開冷氣，就有可能需要使用暖燈調節籠內溫度。另外，如果有雛鳥或病鳥，都有可能需要用到。
羽衣の家提供全港最平嘅日本系列暖燈（香港插頭），購買暖燈請去「訂購」。如有其他問題未有解答，歡迎whatsapp 67780515。
Comments