【原因一】呢款糧兜上下合埋然後靠有力嘅籠門彈簧夾住，但係其實用下用下，上下很容易解體（特別係LB等好鍾意去chok下chok下），解體後會上下掉落，有機會籠門夾死雀，而且不時發生。
【原因二】雀鳥需要由細小嘅窿伸頭入去狹窄糧兜再90度轉彎食嘢，其實食得非常不舒服及無安全感。因此佢地多數會將食物擔出來嚼，因此導致大量食物掉落籠底，造成浪費之餘更導致部份食物/營養攝取不到。
建議大家使用大碗口糧兜，一來雀食得開心又安心，二來可以兜住佢地掉落食物減少浪費及挑食問題。建議尺寸：深5cm，細雀直徑6-8cm，大雀/多細雀一齊食直徑9-10cm。碗邊要夠厚咁細雀就企得舒服唔刮腳。
歡迎大家廣傳避免悲劇發生。
Photo credit：感謝Lina
コメント